Desactivada a situación 2 polo incendio en Maceda e o de Chandrexa segue activo, con 800 hectáreas queimadas

En plena vaga de calor segue prendendo o lume nos montes de Galicia. Na provincia de Ourense, hai un novo incendio activo desde as 23:19 horas de onte sábado. Este, no concello de Maceda, parroquia de Castro de Escuadro. 

Segundo a información facilitada pola consellería de Medio Rural, comezou a arderd en cinco ou seis puntos case simultáneos,"ou que apunta cara unha clara intencionalidade", salientan.

Neste incendio foi preciso decretar a Situación 2 esta madrugada pola súa proximidade ao núcleo da Teixeira. Este domingo pola mañá xa non había risco para as vivendas, segundo o comunicado emitido pola xunta ás 8 e media deste domingo. Posteriormente, contra o mediodía, a Xunta desactivou a situación 2.

Para a súa extinción mobilizáronse polo de agora 2 técnicos, 8 axentes, 11 brigadas, 9 motobombas e 2 pas.

O incendio de Chandrexa xa é o máis grande de Galicia este verán

Segue ardendo en Chandrexa de queixa. O lume, que se declarou este venres sobre as catro menos dez da tarde, segue activo e leva queimadas ata este sábado, ás 08:30 horas deste domingo, 800 hectáreas, segundo a información facilitada pola de Galicia.

O lume comezou na parroquia de Requeixo e para a súa extinción mobilizáronse, ata o momento, 10 técnicos, 32 axentes, 51 brigadas, 26 motobombas, 5 pas, 2 unidades técnicas de apoio, 11 helicópteros e 10 avións.

O incendio segue activo e as imaxes, que están a publicar na súa conta de X @BrifLaza, 'Diario de un Bombero', son impactantes. Imaxes que @BrifLada cualifica de "inferno". 

El equipo de disponibilidad de #Brif Laza sigue trabajando en el infierno del incendio de Requeixo, Chandrexa De Queixa (Ourense) #IFRequeixoChandrexaDeQueixa pic.twitter.com/q6SpiAs5PE

— Diario de un Bombero (@BrifLaza) August 8, 2025

Na provincia de Ourense está controlado o incendio  de Padrenda-Padrenda

O incendio comezou ás 22.03 horas deste venres e quedou controlado este sábado ás 22:03 horas. O lume que afecta o concello de Padrenda, parroquia homónima, que segundo as últimas estimacións provisionais supera as 40 hectáreas. Para a súa extinción, mobilizáronse polo de agora 6 axentes, 17 brigadas, 7 motobombas e 1 pa, 2 helicóperos e 2 avións.

Lugo: Estabilizado o da Fonsagrada-Monteseiro

Na provincia de Lugo, ás 12:45 quedou estabilizado o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes e que, segundo as últimas estimacións, afecta arredor de 150 hectáreas. Para a súa extinción mobilizáronse, ata o momento, 6 técnicos, 52 axentes, 69 brigadas, 73 motobombas, 3 pas, 7 helicópteros e 8 avións. 

A Coruña: Controlado Ponteceso-Corme Aldea

Está tamén controlado dende as 23.52 do mércores o incendio forestal da localidade coruñesa de Ponteceso, parroquia de Corme Aldea, no que se desactivou a Situación 2 na tarde do mércores. O lume iniciouse ás 14.12 horas do martes e, segundo as últimas estimacións, afecta unha superficie de 60 hectáreas.

Ata o momento, para a súa extinción mobilizáronse 7 técnicos, 26 axentes, 35 brigadas, 27 motobombas, 4 pas, 3 unidades técnicas de apoio, 3 helicópteros e 4 avións. Ademais, participaron nos labores de extinción efectivos da Unidade Militar de Emerxencias (UME).

A Coruña: Controlado Ponteceso-Brantuas

O incendio de Brantúas, en Ponteceso, tamén está controlado desde as 19.13 horas do mércores. Segundo as últimas estimacións afecta unha superficie de arredor de 200 hectáreas.

O lume comezou ás 20.30 horas do pasado sábado e, polo de agora, mobilizáronse para a súa extinción 5 técnicos, 26 axentes, 29 brigadas, 22 motobombas, 2 pas, 4 unidades técnicas de apoio, 3 helicópteros e 11 avións.