Sensoxenoma22, un concerto que estuda as emocións no ADN
Sensoxenoma22, un concerto que estuda as emocións no ADN
Un concerto experimental da Real Filharmonía recollerá mostras biolóxicas en 1.000 asistentes para indagar no impacto emocional da música e a súa aplicación terapeútica
O proxecto do centro investigador de Santiago de Compostela reúne prestixiosos organismos e personalidades de todo o mundo
Sabemos da influencia do estado de ánimo do noso benestar; sabemos tamén que a música é unha das experiencias sensoriais con máis capacidade para influír e modificar o noso estado de ánimo. Así que do que trata este experimento -que vemos nacer hoxe no IDIS- é de obter datos sobre que xenes se estimulan coa música e mirar en que medida se pode programar e prescibir un estímulo sensorial para loitar contra as enfermidades.
É unha investigación impulsada polo IDIS de Santiago e que volve dar unha idea de como tirar partido da cantidade asombrosa de información que está codificada no noso ADN.
Non hai antecedentes dunha indagación similar nas emocións humanas e do seu impacto no xenoma. Pénsase en que os resultados poidan axudar a mitigar a dor, frear o deterioramento cognitivo ou tratar multiples transtornos da saúde usando as sensacións positivas.
A música é só o primeiro paso deste proxecto revolucionario que comeza a rodar o día 30 no Auditorio de Galicia.
