O IBEX 35 cae un 0,95% pola repunta do IPC e a guerra de Irán e o brent volve superar os 110 euros

A bolsa española retrocedeu este venres un 0,95%, lastrada pola repunta da inflación nunha xornada en que segue subindo o prezo do cru ante a posibilidade de que Estados Unidos envíe tropas a Oriente Medio. 

Ao peche da sesión, o selectivo español, IBEX 35, estaba nos 16.802,5 puntos, o que supón unha caída de 160,4 puntos, un 0,95%, respecto á véspera. Desde a sesión previa ao comezo dos ataques israelís e estadounidenses a Irán, o índice depreciouse un 8,49% e no que vai de ano un 2,92%.

IPC no 3,3% polo encarecemento dos carburantes, a maior suba mensual desde 2022 

A xornada estivo marcada polo dato do índice de prezos de consumo (IPC), que se situou no 3,3% impulsado polo encarecemento dos carburantes. Este incremento supón un punto máis que en febreiro e representa a maior subida mensual desde xuño de 2022, situando a inflación no seu nivel máis alto desde xuño de 2024.

Enagás, cun 16,96%, encabezou as subidas despois de que a Comisión Nacional dos Mercados e a Competencia (CNMC) abrise a audiencia pública a metodoloxía de retribución da distribución de gas para o próximo período. 

Entre os principais valores do selectivo, Telefónica foi a única en subir, un 0,27%; 

No lado oposto, Indra, cun -4,42%, e Solaria, cun -4,37%, protagonizaron as perdas máis acentuadas.

Retroceso das bolsas europeas

Co euro baixando un 0,06% ata os 1,1520 dólares, os parqués do Vello Continente pecharon en vermello. O DAX alemán volve ser o máis castigado das prazas europeas e cedeu un 1,38%. A bolsa de París caeu un 0,87%; a de Milán, un 0,74%; e a de Londres pechou practicamente plana, cunha caída do 0,05%

As 50 empresas do Euro Stoxx 50 tamén pechou con perdas, do 1,08%.

Baixada tamén en Wall Street

 Wall Street pechou este venres en vermello e o Dow Jones de Industriais, o seu principal indicador, entrou en territorio de corrección, terminando así unha semana marcada de novo pola guerra en Oriente Medio.

Ao peche do parqué neoiorquino, o Dow Jones baixou un 1,7%, ata os 45.166 puntos, entrando en territorio de corrección (cando se produce unha baixada acumulada do 10% desde a última marca).

Mentres, o selectivo S&P 500 retrocedeu un 1,67%, ata os 6.368 enteiros, e o tecnolóxico Nasdaq perdeu un 2,15%, ata as 20.948 unidades.

No cómputo semanal, o Dow perdeu un 0,9%, o S&P 500 un 2% e o Nasdaq un 3%. 

No mercado do cru, o prezo do barril de brent, de referencia en Europa, subía un 3,63% por encima dos 111,9 dólares.