O Ensino anuncia a chegada da exterior Zoe Hernández, que procede do Zamora

A xogadora, nacida en 2001, ten experiencia en equipos como Mann-Filter, Casademont Zaragoza, Cadí A Seu, Lointek Gernika Bizkaia, aínda que o seu último curso disputou a LF Challenge.

A fichaxe de Hernández súmase ás chegadas da neerlandesa Van Schaik, a catalá Nhug Bosch, os regresos de Alessandra Orsili e Imani Tate, entre outras operacións.

"Son Zoe Hernández, estou moi contenta de formar parte do Ensino, teño moitas ganas de empezar a traballar e de vervos no Pazo", asegura a xogadora de 24 anos nas súas redes sociais.