O descoido dun condutor fixo que o seu vehículo caera ao río en Tui
Por sorte, non houbo danos persoais e o ocupante saíu ileso
A Comandancia Naval do Miño tivo que colaborar na localización do coche que foi arrastrado pola corrente
Un camión guindastre conseguiu sacar o coche da profundidade do río. Para localizalo foi precisa a axuda do persoal especializado da Comandancia Naval do Miño que percorreu o río na busca do vehículo. Foi un rescate complicado tamén para o servizo de guindastres que tivo que botar man de material especializado.
O suceso ocorreu de madrugada e non foi ata varios días despois cando o propietario do vehículo deu aviso o seu seguro. No momento do accidente estaba no interior do coche pero por sorte puido saír polo seu propio pé.
As comprobacións posteriores confirmaron que o vehículo non provocou ningunha vertedura contaminante nesta zona.
