O Deportivo Abanca busca a terceira vitoria consecutiva contra o Valencia

Ás catro da tarde o Deportivo Abanca arranca o mes de febreiro recibindo o Valencia, o pechacancelas da categoría. 

Tras gañarlle ao Levante e ao Betis, o Deportivo Abanca procura a terceira vitoria seguida. O rival semella propicio para seguir avanzando na clasificación. O Valencia só gañou un partido dos dezaseis xogados. 

Fran Alonso ve unha gran mellora das súas xogadoras: "É certo que demos un paso adiante coas dúas vitorias. Son dúas vitorias importantes, pero é máis importante que seguimos crecendo, que as xogadoras teñen máis confianza".

O partido comeza ás 16:00 h no estadio de Riazor.