O CXPX suspende o debate sobre nomeamentos do TC pola morte dunha vogal
O CXPX suspende o debate sobre nomeamentos do TC pola morte dunha vogal
O órgano de goberno dos xuíces informou este xoves do falecemento de Vitoria Cinto Lapuente
O Consello Xeral do Poder Xudicial tiña previsto debater se é preciso que o Congreso lle solicite un informe sobre a reforma promovida polo PSOE para a nomear maxistrados do TC
O Consello Xeral do Poder Xudicial (CXPX) suspendeu o pleno que ía celebrar este xoves á mañá polo falecemento da vogal Vitoria Cinto Lapuente en San Sebastián aos 63 anos.
Fontes do órgano de goberno dos xuíces informaron esta mañá da súa morte.
O Pleno do CXPX ía estudar a proposta, presentada por nove dos seus vogais, sobre se é pertinente pedirlle ao Congreso que solicite un informe do órgano de goberno dos xuíces sobre a reforma exposta polo grupo parlamentario socialista, para poder nomear maxistrados do Tribunal Constitucional.
Sen embrago, debido ao falecemento de Cinto, o Pleno foi suspendido e celebrarase nunha data aínda por determinar.
María Vitoria Cinto Lapuente ingresara na carreira xudicial en 1987, exerceu en xulgados de San Sebastián e na Audiencia Provincial de Guipúscoa, que presidiu de decembro de 1999 a xuño de 2010. Logo foi viceconselleira de Xustiza do País Vasco entre 2010 e 2012. En 2013 foi nomeada vogal do CXPX por proposta do PSOE.
O seu falecemento, e a causa do bloqueo na renovación do Consello do Poder Xudicial, redunda na maioría conservadora que agora mesmo ten o organismo.