O conflito dos autobuses da provincia da Coruña non se pecha
O 66 % do persoal do transporte de viaxeiros por estrada rexeita o preacordo subscrito por UXT e CCOO coa patronal
UXT respecta o mandato e anuncia un proceso de análise para dar os pasos que decidan as afiliadas e os afiliados
A CIG quere volver negociar canto antes e di que traballará para recompoñer a unidade sindical
O sector do transporte de viaxeiros por estrada na provincia da Coruña rexeitou o preacordo subscrito por UXT e CCOO coa patronal. Nunha xornada de votación marcada pola alta participación, os traballadores rexeitaron de forma maioritaria o preacordo alcanzado entre a patronal e os sindicatos UXT e CCOO.
O resultado deixa o conflito nun punto crítico, xa que se non hai un novo movemento antes do luns 9 de febreiro, a provincia enfrontarase a unha folga indefinida que paralizará o servizo de autobuses e o transporte escolar.
UXT respecta o mandato e anuncia un proceso de análise para dar os pasos que decidan as afiliadas e os afiliados. Pola súa banda, a CIG quere volver negociar canto antes e di que traballará para recompoñer a unidade sindical.
