O Concello de Ourense aproba unha tarifa de 7 euros na terma das Burgas e propón pagar noutras
O pleno do Concello aprobou inicialmente a ordenanza para comezar o cobro cando abran as instalacións
O alcalde, Gonzalo Pérez Jácome, anunciou tamén a súa intención por cobrar nas termas públicas agora gratuítas
Sete euros por entrar na terma das Burgas cando reabra. Situada no corazón de Ourense, a instalación leva pechada desde o ano 2020. Agora o Concello de Ourense, cos votos de Democracia Ourensana e o PP, aprobaron inicialmente a tarifa.
Haberá un bono e rebaixa para determinados colectivos. Pero Jácome anunciou que tamén quere cobrar polas termas gratuítas de Outariz e do Muíño da Veiga.
A intención de cobrar por acceder ás termas públicas non convence a todo o mundo, pero hai visitantes e veciños que aceptarían unha tarifa económica.
