O Centro de Menores de Monforte acolle os seus primeiros cinco ocupantes

Os primeiros cinco menores emigrantes trasladados a Galicia polo Goberno xa están no centro de Monforte. Ata este martes estiveron na Unidade de Primeira Acollida de Barro.

O centro de Monforte é o primeiro destas características que pon en marcha a Xunta logo da decisión do Goberno central que obriga a Galicia a acoller máis de 300 menores. Dende a Xunta piden que o Goberno dote de fondos para a acollida e planifique os traslados coas comunidades.