O Celta Fortuna suma un empate diante do Sabadell en Balaídos (1-1)

Para dicir que un encontro é pechado e aburrido, os adestradores soen recorrer o eufemismo de partido táctico. Pois ben, eso foi o que se viu en Balaídos. Un choque atascado, onde o máis interesante sucedeu nos primeiros vintecatro minutos.

No seis, adiantáronse os vigueses. O debutante Ndiaye envía un balón longo que Codina despexa o lugar equivocado, onde estaba Alvaró Marín para marcar o un a cero.

Terceiro gol do navarro que poñía o seu equipo nunha situación de privilexio para xestionar a vantaxe.

Sen embargo, o Sabadell foi medrando segundo pasaba o tempo achegándose cada vez máis a meta de Coke.

Nunha desas visitas chegou o tanto da igualada nun córner aberto sacado por Ripoll rematado polo central Edgar González sumado o ataque.

Tralo descanso o Celta sumou unha nova baixa as seis coas que contaba antes de iniciarse o encontro. Oscar Marcos caeu mancado e foi substituido por Angel Arcos.

Que nada máis entrar  viu como o colexiado lle anulaba un gol a Baena por fóra de xogo.

O Sabadell era o dono do partido. Joel Priego puxo a proba a Coke e de seguido Alain Ribeiro, o ex do Pontevedra e o ruso Obolski amenazaron con romper a igualada pero o marcador xa non se movería. 

O Celta sumaba un punto, pero tres xornadas sen gañar, mentres que os cataláns continúan sen vencer como visitantes.