O Cangas saca un empate da pista do Cuenca (31-31)
O equipo galego tivo un último lanzamento para gañar, pero Tonicher detívollo a Manu Pérez
O Cangas cvolve puntuar despois de catro derrotas, pero cae á última praza
O Cangas volveu puntuar cinco xornadas despois. Sacou un empate de Cuencva, nun partido que puido gañar na última acción, e que deixa un sabor agridoce porque o equipo cae á última praza da Asobal.
Logo de empezar por detrás no marcador (7-4), os cangueses igualaron o encontro, e acadaron as primeiras vantaxes mínimas no treito final do primeiro tempo. Ao descanso chegouse cun 13-14.
Na segunda metade o Cangas mantivo unha boa cadencia anotadora, que lle permitiu abrir unha fenda de 4 tantos (24-28). Pero o Cuenca volveu reaccionar, empatando a 29 a falta de 4 minutos.
Santi López e Manuel Pereiro acadaron os tantos que deixaban ao Cangas ao bordo da vitoria. Pero Federico e Nacho Pizarro igualaron o marcador a dez segundos da conclusión. Chegou o momento decisivo, e o Cangas tivo unha falta co tempo cumprido. Pero Tonicher sacou a man dereita para deter o envío de Manu Pérez, máximo anotador con 7 goles, escoltado polos 6 de Rivero.
O Cangas suma un punto máis, pero pecha a táboa con 5 logo de once xornadas.
