O Breogán estreará diante de Manresa un espectacular videomarcador

Un dos alicientes para os afeccionados do Breogán nesta xornada será ver o novo vídeo marcador que ten o Pazo dos Deportes de Lugo. Unha espectacular estrutura duns 60 metros cadrados coa que poderán seguir ao detalle o desenvolvemento do partido desde as bancadas. 

O propio Luís Casimiro, adestrador do equipo lugués, chanceou na previa do partido asegurando que terá que "pedir un challenge aínda que non haxa xogadas polémicas para que a xente se deleite desde a bancada". Un paso máis na modernización do Pazo que quere converterse nunha das pistas máis quentes de toda a ACB.