O Breogán viaxa a Canarias coa necesidade de recuperar sensacións e triunfos

O Río Breogán visita ao Gran Canaria nun momento delicado da tempada, marcado por unha serie negativa de catro derrotas consecutivas que freou a boa dinámica dos lucenses. O conxunto galego chega á cita coa necesidade de recuperar sensacións ante un rival sólido e especialmente competitivo na súa pista.

O Breogán vén acusando problemas de regularidade, con dificultades para manter o nivel ao longo dos corenta minutos e unha produción ofensiva irregular nas últimas xornadas. A iso súmanse desaxustes defensivos en momentos clave que acabaron penalizando en finais igualados.

Casimiro: "Teño un equipo comprometido. Non quero poñer excusas"

Enfronte estará un Gran Canaria, por debaixo na clasificación, con oficio, capaz de impor ritmo e castigar erros, o que obrigará os de Lugo a ofrecer a súa mellor versión se queren cortar a mala xeira. A clave estará en recuperar intensidade, mellorar a consistencia defensiva e atopar maior fluidez en ataque.

O Breogán afronta así un exame esixente nun escenario complicado, coa oportunidade de virar a tendencia e reencontrarse cunha vitoria que devolva confianza ao grupo.