O Bono Comercio de Lalín mobiliza 71.000 euros en vendas en menos de tres días

Se teñen descargado o Bono Comercio de Lalín apuren para ir facer as compras, porque o que non corre, voa.

O bono está dotado de 30 euros que se dividen en dous descontos de 15 euros por compras superiores aos 50. 

A rebaixa aplícase ao presentar o código QR en calquera dos 97 negocios que se sumaron á campaña.

Unha axuda para os petos dos veciños e para os comerciantes da vila, que notan maior movemento do habitual nas tendas.

A campaña, financiada polo Concello de Lalín e xestionada pola Asociación de Empresarios do Deza, mobilizou 71.000 euros en vendas do pequeno comercio en menos de tres días.