O Básquet Coruña agarda rival na primeira rolda dos playoffs

Outro conxunto galego que quere unirse a Obradoiro e Breogán en ACB é o Leyma Coruña, que pensa xa no playoff de ascenso.

Este venres despediu a temporada regular como local cun traballado triunfo diante do Castelló. Gañaron os laranxas por catro puntos de diferenza. A vitoria non estivo clara ata os tiros libres anotados por Javi Vega a dous segundos do final.

O propio Vega, Nick Ward con 20 puntos e Lofberg, con 17, foron os mellores dun Basket Coruña que na última xornada coñecerá o rival para os playoffs. Os herculinos teñen unha opción, iso si, mínima, para conseguir a vantaxe de cancha nesa primeira eliminatoria.