O Básquet Coruña supera os 5.000 abonados no seu retorno á elite do baloncesto español

O Leyma Básquet Coruña superou os 5.000 abonados nas dúas primeiras semanas de campaña no retorno á elite do baloncesto español, segundo informou este luns o club galego.

No seu comunicado, a entidade presidida por Pablo de Amallo sinala que o 91 por cento dos afeccionados que acompañaron ao equipo en Primeira FEB renovaron o seu abono para vivir o regreso da conxunto laranxa á Liga Endesa, na que competirá por segunda vez na súa historia.

Este luns ábrese o prazo para as novas altas. Os prezos dos carnés, para os adultos, oscilan entre os 620 euros da bancada de pista premium ata os 165 que custa un asento en tendido alto.

Ata a data, o Básquet Coruña anunciou dúas fichaxes para a afrontar o seu regreso á ACB: o pivote internacional letón Karlis Šilinš e o base estadounidense Alonzo Verge.