Dobre podio galego na Copa de España de Caiac de Mar
Esta competición entra como selectivo nacional para o Campionato de Europa Ocean Rácing 2026 celebrado en Brest (Francia)
.png)
Imaxe do Club Kayak de Vigo
A ría de Vigo converteuse no centro nacional do caiac de mar coa Terceira Copa de España-Trofeo Concello de Vigo, que reuniu máis de 500 embarcacións e arredor de 600 deportistas no campo de regatas de Rande.
O mellor resultado para Galicia levouno o Kayak Vigo, que logrou subir ao podio por equipos tras unha actuación sólida en augas viguesas. O club galego asinou a terceira posición con 1.737 puntos, superado polos Marlines de Lanzarote con 4.166 puntos e o Canarias das Palmas con 3.337 puntos. Tamén entrou no top 10 outro club galego, o Náutico de Miño, que finalizou con 707 puntos.
Na categoría promesas repetiuse o mesmo podio: Marlines primeiro (1.302), Canarias segundo (688) e Kayak Vigo terceiro (465). Pero tamén houbo presenza galega máis ampla entre os mellores como o Cambados, cuarto (413); o Rianxo, séptimo (297); o Naútico de Miño, octavo (220), o Cabanas, noveno (117); e o Breogán de O Grove, décimo (101).
