O Celta derrota ao Spórting cun gol de Hugo González (1-0)

Segundo once, segundo partido, primeiro triunfo da pretempordada. Foi ante un Sporting de Xixón en construción, pero o Celta tomou o partido en serio con dous onces iniciais diferentes na primeira e na segunda metade.

Jutglá como único dianteiro -de momento- mentres chega Borja Iglesias e volve a pleno rendemento Pablo Durán. 

Miguel Román vai collendo ton e con Ilaix Moriba no pivote Giráldez terá que elixir dous entre tres, porque Aleis Febas foi outro dos destacados no primeiro acto. 

Tamén está de doce Hugo González. Outro debate aberto.

Máis cousas por difinir porque os do Fortuna chaman as portas do primeiro equipo mentres agardan por eles no de segunda división. E outra incognita por despexar: Karl Starfelt e as súas costas. Xogou cinco minutos, pero se está totalmente recuperado apunta o once inicial que comece a liga.

O sueco completou a súa sesión de adestramento cando rematou o choque e mesmo tivo tempo para tender aos afeccionados que se desprazaron ata a Lomba para ve-lo primeiro triunfo celeste deste verán.