O Balonmán Cangas non pode cun Barça xa campión: 35-19

O Barça, campión da Asobal dende a pasada xornada, impúxose ao Balonmán Cangas grazas a unha gran actuación de Gonzalo Pérez de Vargas: 20 paradas, 2 dende os 7 metros.

Malia que os de Moyano tiveron momentos nos que lograron reducir a distancia no marcador, o dominio blaugrana foi absoluto. Iso, sumado ás 20 perdas no partido do cadro pontevedrés, foron afastándoos no resultado ata o 35-19 definitivo.