O ataque dun papagaio provoca a caída dun ciclista, ferido en Nigrán
O ataque dun papagaio provoca a caída dun ciclista, ferido en Nigrán
Non é a primeira vez que o animal causa accidentes coma este, aseguran os servizos de emerxencia
![](https://img-g24-crtvg.flumotion.com/prog24/2022/20220902/ambulancia_020922.png)
Un ciclista tivo que ser asistido polos servizos sanitarios en Nigrán despois de irse ao chan por culpa dun papagaio que o atacou.
Dáse a circunstancia de que non é a primeira vez que este papagaio protagoniza un ataque deste tipo, segundo confirmou o persoal de Urxencias Sanitarias de Galicia-061 que acudiu a atender ao ferido.
O incidente sucedeu sobre as 19:30 de onte, segundo o 112 Galicia, que recibiu unha chamada dun particular para alertar da caída do ciclista no quilómetro 12 da PO-325, ao seu paso por Panxón, en Nigrán.
O ferido atopábase tendido na estrada e non respondía aos intentos das persoas que acudiran a auxilialo.
O 112 deu aviso a Urxencias Sanitarias de Galicia-061 e ao lugar achegouse tamén unha patrulla da Garda Civil de Tráfico.