Morre un piloto e a copiloto resulta ferida grave ao caer por un barranco nun rally en Mallorca
A organización decidiu suspender definitivamente a competición tras o accidente
EFE/CATI CLADERA
Un piloto alemán de 59 anos morreu este venres e unha copiloto de 39 anos, da mesma nacionalidade, sufríu lesións medulares ao precipitarse por un barranco o vehículo no que participaban no rally 550 Challenge Mallorca, na estrada Ma-10, na serra de Tramuntana, á altura de Mortitx.
O accidente ocorreu sobre as 13.00 horas.
Os Bombeiros de Mallorca interviñeron no accidente con efectivos desprazados desde os parques de Inca e Alcúdia para realizar as tarefas de rescate das vítimas.
A sexta edición do rally 550 Challenge Mallorca celebrábase entre o 8 e o 10 de outubro en diferentes estradas da illa, pero a organización decidiu suspender definitivamente a competición tras o accidente mortal.
«Hoxe, o automobilismo deixa de lado a competición para dar paso ao respecto e ao acompañamento na dor. Estamos, máis ca nunca, ao lado da familia e dos amigos», sinalaron os organizadores nun comunicado oficial.
