O aeroporto de Santiago perde a conexión de primeira hora con Madrid
O primeiro voo á capital española sae ás 9:15, ao desaparecer o enlace de Ryanair das 6:50
A campaña de inverno conserva 14 destinos europeos directos no Rosalía de Castro da Lavacolla
A tempada de inverno no aeroporto de Santiago chega cunha sorpresa desgradable, sobre todo para os que viaxan por traballo no mesmo día. Desaparece o voo de Ryanair das sete menos dez e a primeira conexión con Madrid non sae ata as 9:15 da mañá.
Os que queiran chegar cedo á capital terán que facelo desde Peinador ou Alvedro, que teñen conexión ás 6:30 da mañá, ou ben apostar polo tren.
Así e todo, a terminal da Lavacolla ten este inverno máis voos ca nunca, despois de bater marcas de pasaxeiros neste Ano Santo. Nos vindeiros meses manteranse en Santiago 14 dos 15 destinos europeos directos dispoñibles no verán. Tan só cae da oferta a ruta coa cidade alemá de Frankfurt.
