O celtismo celebra a súa segunda clasificación consecutiva a Europa League
As rúas de Vigo tinguíronse de celeste para celebrar a gran temporado do equipo
Especiais do 'En xogo' coa clasificación europea do Celta e o posible ascenso do Deportivo
Día de festa en Vigo, día para festexar a gran temporada do Celta. Nin o mal tempo estraga a troula. E miles de persoas tinguiron as rúas da cidade de cor celeste.
A mediodía a previsión de treboadas obrigou a cancelar as actividades que o Celta preparara para esta xornada. Aínda así o ambiente non decaeu nos arredores de Balaídos. Tamén praza América ateigouse de seareiros desde ben cedo.
A afección do Celta botouse á rúa para celebrar unha gran temporada en que se clasificaron para xogar na Europa League.
Nada máis rematar o encontro, a festa desatouse dentro do Estadio. E, poucos minutos despois, foron saíndo os protagonistas desta segunda clasificación consecutiva para Europa para recibir o alento do público. Significativas foron as verbas de Claudio Giráldez, de Marián Mouriño e do capitán Iago Aspas.
Rematado o acto, confirmouse que o plantel non ía acudir á Praza de América, pero iso non freou aos siareiros, que aínda estaban arredor do Estadio de Balaídos.
O público saía de Balaídos, pero aínda quedaba moita gana de troula. Así que se foron xuntando na Praza de América, que ía collendo cada vez máis ambiente. Era o inicio dunha longa noite na cidade de Vigo.
