No barrio coruñés de Someso tiran de humor para pedir que lles poñan luces de Nadal

Os veciños do barrio coruñés de Someso queren que as luces de Nadal tamén brillen nas súas rúas e non só no centro da cidade. Fixeron a solicitude formalmente no Concello e, para reforzar a súa petición, tiran da retranca nas redes sociais. Pídenlle apoio a personaxes populares moi asociadas a estas festas coma o alcalde de Vigo ou a cantante Mariah Carey.

Hai algo máis dun ano, os residentes da contorna do recinto feiral da Coruña decidiron organizarse para reclamar servizos que consideran desatendidos no barrio, entre eles a iluminación de Nadal. 

Para reafirmar a súa petición, agora que se achega o tempo festivo, lanzaron unha campaña nas redes sociais tirando de humor e figuras populares asociadas ao Nadal. 

Amais de apoiar as súas reivindicacións, din que a retranca nas redes está axudando a fomentar o contacto veciñal. E a golpe de enxeño, agardan conseguir que o barrio siga mellorando e este Nadal sexa máis luminoso en Someso.