Moyano: “Marcho tremendamente orgulloso do que construímos”

Nacho Moyano, actual seleccionador español xuvenil de balonmán, despediuse onte á noite do Gatañal, onde durante seis tempadas dirixiu ao Frigoríficos do Morrazo.

Baixo o seu liderado, o equipo galego conseguiu disputar tres fases finais da Copa do Rei, ademais de manterse na liga Asobal cun dos orzamentos máis baixos da categoría.

“Marcho tremendamente orgulloso do que construímos. Hoxe o Cangas é, xunto ao Barça e o Granollers, o terceiro club de base con máis fases finais de España para disputar, e iso fai seis anos era algo impensable. Non me quero atribuír ese mérito porque é un traballo de moita xente, pero si que é verdade que nós démoslle esa proximidade ao primeiro equipo”, declarou en conferencia de prensa.

Por motivos persoais, o técnico madrileño rexeitou a oferta de renovación que lle presentou a directiva que preside Alberto González, que elixiu ao pontevedrés Quique Domínguez, actual adestrador do Anaitasuna, para substituírlle.