Publicador de contidos

Publicador de contidos

A galega Vero Boquete ficha polo Como italiano

A galega Vero Boquete ficha polo Como italiano

Vero Boquete: "Elixín este proxecto porque sentín entusiasmo, visión e moitas ganas de crecer"

Foto Como
G24.gal 15/07/2025 10:50 Última actualización 15/07/2025 14:21

A centrocampista galega Vero Boquete xogará a tempada 2025-26 no Como 1907 italiano, ao que chega procedente da Fiorentina.

“A súa chegada supón unha incorporación significativa para Como 1907, que continúa a súa preparación para a nova tempada. Boquete desempeñará un papel fundamental non só no campo, senón tamén ao guiar un equipo novo e ambicioso ante os retos da próxima tempada”, destaca o club no seu comunicado.

A excapitá da selección española, coa que disputou máis de 50 partidos, alonga así a súa exitosa carreira deportiva tras vestir a camiseta de clubs como o París Saint-Germain, o Bayern de Múnic, o Portland Thorns, o AC Milan ou a Fiorentina.

“Estou feliz e orgullosa de comezar esta nova aventura co Como. Elixín este proxecto porque sentín entusiasmo, visión e moitas ganas de crecer. Quero dalo todo para axudar o equipo para alcanzar os seus obxectivos e achegar a miña experiencia ao crecemento do grupo”, manifestou a futbolista de Santiago de Compostela

 

 

Publicidade
Publicidade
Publicidade
Publicidade