Moyano despídese do Frigoríficos: "Levo días que choro por cada esquina"

Semella o final dunha película de suspense, porque se o Frigoríficos do Morrazo gaña na pista do Anaitasuna descende o que será equipo de Nacho Moyano a vindeira temporada

"Que ninguén poña en dúbida a profesionalidade dos xogadores e do corpo técnico"

Hoxe foi o último día de Nacho Moyano no Gatañal. Seis temporadas como adestrador en Cangas. Sempre na máxima categoría. Seis anos para coñecer que é a morriña.

"Levo días que choro por cada esquina"

Clasificou ao equipo para tres fases finais de Copa. Cambia de club por motivos familiares. Queda para a posteridade ter sido seis anos o adestrador dunha das mellores épocas do único club galego na Liga Asobal.