Morre unha muller de avanzada idade ao caer a un pozo en Ames
O 061 informou do accidente ao 112 Galicia a media mañá deste xoves
Unha muller de avanzada idade faleceu este xoves en Ames ao caer nun pozo, segundo informa a Axencia Galega de Emerxencias.
O persoal do Servizo de Urxencias Sanitarias de Galicia-061 foi quen, ás 11:30 horas deste xoves, chamou ao 112 Galicia para solicitar medios de rescate para unha muller falecida que caera nun pozo, en Aldea Moniña, Milladoiro, O Biduído, no concello coruñés de Ames.
🔴#AxegaInforma dunha muller falecida en Ames.
— 112 Galicia (@112Galicia) April 2, 2026
📍 Aldea Moniña, Milladoiro, O Biduído
➡️ A vítima faleceu logo de caer nun pozo.
🔗https://t.co/4AZvmQXnD7 pic.twitter.com/Y4e9oqM4Td
Nada mais recibir o aviso, o 112 Galicia pasou aviso aos Bombeiros de Boiro, que saíron de inmediato para o punto. Do mesmo xeito, foron informados os Bombeiros de Santa Comba, os membros do GES de Brión, a Garda Civil, a Policía Local e os efectivos da Agrupación de Voluntarios de Protección Civil da localidade.
