Morre un operario por unha descarga eléctrica cando traballaba nunha depuradora no Grove
Lugar do suceso (TVG)
Un operario perdeu a vida este martes ao sufrir unha descarga eléctrica mentres traballaba nunha depuradora en San Vicente do Grove.
Tal e como trasladou o 112 Galicia, ao redor das 15:30 horas o home atopábase traballando e caeu nunha arqueta na estrada que comunica A Lanzada con San Vicente.
Ata o lugar desprazáronse Urxencias Sanitarias de Galicia-061, co helicóptero medicalizado con base en Santiago de Compostela, e Emerxencias do Grove.
A pesar dos esforzos dos equipos sanitarios por reanimalo, non puideron facer nada polo home, que perdeu a vida.
🔴 #AXEGAInforma do falecemento dun operario cando traballaba dentro dunha arqueta no Grove.
— 112 Galicia (@112Galicia) March 31, 2026
📍 Estrada da Lanzada, San Vicente do Grove.
➡️ Sufriu unha descarga eléctrica e, malia os esforzos por reanimalo, nada se puido facer pola súa vida.
(1/2) pic.twitter.com/GRXQPDbMQE
NOTICIA EN ELABORACIÓN
