Falece un peón atropelado por un coche que saíu da estrada en Tomiño
Os ocupantes do coche, o condutor e un menor, saíron ilesos do accidente
O accidente foi á altura de Barro
O atropelo mortal rexistrouse no quilómetro 3 da estrada provincial PO-344 que une os concello de Gondomar e Tomiño, á altura de Barro.
🔴#AXEGAInforma dun atropelo mortal en Tomiño.
— 112 Galicia (@112Galicia) March 31, 2026
📍 Lugar O Barro, PO-344.
➡️ Vítima alcanzada por un turismo que se saíu da vía.
🚨 Urxencias Sanitarias de Galicia-061, Bombeiros Baixo Miño, GES A Guarda, @guardiacivil de Tráfico, Voluntarios Protección Civil. pic.twitter.com/hSjMYrRuRB
Un coche saíu da vía pola marxe dereita, bateu contra un muro, envorcou e levou por diante o peón, un home duns 70 anos, veciño do lugar que camiñaba con muletas.
O falecido quedou atrapado baixo o vehículo e foron os bombeiros os que o rescataron. Os ocupantes do coche, o condutor e un menor, saíron ilesos.
