Falece un motorista ao bater contra un valo de protección da estrada en Riós

Un home de 48 anos, veciño de Romariz, faleceu este domingo nun accidente de moto ocorrido na estrada OU-P-0000, no termo municipal de Riós.

Segundo informa a Garda Civil de Tráfico, sobre as 20:16 horas foise da vía pola marxe dereita e bateu contra un valo de protección. 

O motorista, que conducía unha Kawasaki modelo Z750 e levaba casco, morreu no lugar do sinistro, o punto quilométrico 0,5. 

🔴 #AXEGAInforma dun motorista que perdeu a vida en Riós.

📍 Estrada que une Ferreiras con Romariz

➡️ Tratouse dunha saída de vía.

🔗 https://t.co/VLXh8vnys8 pic.twitter.com/CdL8eyJFLU

— 112 Galicia (@112Galicia) March 29, 2026