Unha moza de 26 anos falece ao bater coa moto contra un noiro en Mos

Unha moza de 26 anos faleceu este venres nun accidente de moto ocorrido na N-550 ao seu paso por Mos. Veciña deste concello, faleceu no hospital Álvaro Cunqueiro de Vigo ao que foi trasladada tras o sinistro.

Segundo o 112, a condutora foise da vía por causas aínda sen determinar e bateu contra un noiro á altura do punto quilométrico 149, na parroquia de Louredo. Un amigo viaxaba noutra moto.

O Grupo de Emerxencias Supramunicipal de Mos, que se atopaba realizando outro servizo na zona, asegura que ambos os dous circulaban a modo.

O lugar do sinistro. GES Mos