Morre un motorista en Dozón nun accidente contra un tractor

O accidente ocorreu pouco antes das catro e media da tarde na N-525, ao seu paso pola parroquia de Bidueiros, no concello de Dozón, á altura do quilómetro 274.

O motorista, de 52 anos e veciño de Caldas de Reis, circulaba en dirección a Ourense cando, por razóns que se descoñecen, alcanzou o tractor, que circulaba na mesma dirección e bateu contra el. 

Desde o 112 mobilizouse o helicóptero medicalizado pero a vítima, que saíu despedida a causa do impacto, faleceu no lugar do sinistro. 

Tamén mobilizaron os Bombeiros do Deza, o GES de Lalín e a Garda Civil de Tráfico.