A celebración do Mundial deixa dous mortos, doce detidos e máis de oitenta feridos
A noite de celebracións pola conquista do Mundial de fútbol saldouse con dous falecidos, máis de oitenta persoas feridas e unha ducia de detencións
EFE
A vitoria da selección española do Mundial deixou dúas persoas falecidas, máis de oitenta feridas e polo menos doce detidas en distintos incidentes rexistrados durante as celebracións en todo o Estado.
Un dos falecidos e Adrián, o menor de 13 anos que morreu ao derrumbarse a fonte da Glorieta da Árbore Gorda, en Cidade Rodrigo (Salamanca), onde celebraba a vitoria da selección xunto con outros mozos. Outro menor continúa ingresado grave cunha fractura nunha perna, mentres que un tereiro xa recibiu a alta médica.
A segunda vítima mortal é un mozo duns 20 anos que sufriu convulsións mentres vía o partido en Sonseca (Toledo).
En Madrid practicáronse sete detencións e os servizos sanitarios trasladaron 36 persoas a hospitais. En Barcelona, os Mossos detivron tres persoas por distintos roubos e os equipos de emerxencias atenderon a 29 persoas.
Ademais, investígase a un grupo de militares en Pamplona, mentres que a Ertzaintza identificou varias persoas tras incidentes en Bilbao e Álava. Tamén houbo detencións e asisencias sanitarias en Extremadura e Valencia, onde a dúas persoas foron arrestadas por atentado contra a autoridade durante as celebracións.
