Un pescador de Redondela morre afogado no porto deportivo de Chapela
O falecido caera ao mar e uns particulares lograron sacalo da auga, pero non conseguiron reanimalo
Un pescador de Redondela de 72 anos morreu na tarde deste sábado no porto deportivo de Chapela, preto da praia de Arealonga, por causas aínda sen determinar.
Segundo informa o 112, o falecido caera ao mar e uns particulares lograron sacalo da auga, pero non foron quen de reanimalo. O corpo estaba aboiando entre dúas embarcacións.
Ata o lugar desprazáronse axentes da Policía Nacional e local, persoal sanitario do 061 e membros da agrupación municipal de voluntariado de protección civil.
🔴 #AXEGAInforma do falecemento dunha persoa en Redondela.
— 112 Galicia (@112Galicia) August 2, 2025
📍 Praia de Arealonga, parroquia de Chapela.
➡️ Foi sacado do mar por uns particulares.
🚨 Urxencias Sanitarias de Galicia-061, Policía Nacional e Local e AVPC de Redondela. pic.twitter.com/EH8KnDCA7l
