Falece un motorista de 26 anos ao bater contra un coche en Ourense
O accidente rexistrouse preto do pazo dos deportes Paco Paz, no cruzamento de Expourense
O accidente foi ás cinco da tarde
Un motorista de 26 anos, veciño de Cortegada, faleceu este domingo nun accidente de tráfico ocorrido na cidade de Ourense. O seu vehículo bateu contra un coche á altura do IES Ferro Couselo, na rúa Ponte Sevilla.
Segundo informa a Axencia Galega de Emerxencias, o sinistro rexistrouse ás 17:19 horas e ata o lugar desprazáronse axentes da Policía Local e persoal sanitario do 061. Unha nai e unha filla que viaxaban no turismo saíron ilesas.
As dúas pasaxeiras do coche están en bo estado
Varias testemuñas aseguran que o coche xirou á esquerda e a moto, ao tentar adiantalo, bateu contra el. Ambas as dúas manobras están prohibidas nese punto porque hai liña continua.
Tras o choque, quedou pechada a circulación na zona do Piñeiral, en San Cibrao das Viñas, e no acceso principal de Expourense, onde se está a celebrar Funtastik-No limits, un parque multiaventura para público familiar.
