Morre a viguesa Susi Seoane, abandeirada da loita contra a ELA

Susi Seoane, quen abandeirou en Galicia a loita contra a ELA, a esclerose lateral amiotrófica, morreu aos 55 anos.

A viguesa recibira o diagnóstico en 2021, cando tiña 51 anos. Non deixou de pelexar polos dereitos de quen padece esta patoloxía e por dar visibilidade á súa realidade.

A Asociación Galega de Afectados de Esclerose Lateral Amiotrófica, Agaela, recibiu a Medalla Castelao na última edición. Foi Susi Seoane, en calidade de vicepresidenta da asociación, quen recolleu a distinción.