Beiras será despedido este venres cunha homenaxe no Museo do Pobo Galego
Os seus achegados agradecen que se respecte a súa intimidade e pide que non se acuda ao domicilio familiar
Arquivo Europapress
O histórico dirixente do nacionalismo galego Xosé Manuel Beiras terá a súa derradeira homenaxe este venres na sala de despedida instalada no Museo do Pobo Galego, en Santiago de Compostela.
A familia de Beiras informou con profunda dor do seu falecemento nun comunicado, no que destacou que foi unha das figuras máis relevantes da historia política galega contemporánea e referente do nacionalismo galego.
As persoas que desexen renderlle unha última homenaxe poderán facelo na sala de despedida instalada no Museo do Pobo Galego, aberta a partir do mediodía de mañá venres.
Ademais, haberá un acto público de homenaxe aberta á cidadanía que se celebrará o mesmo venres ás 16.00 horas, no citado museo da capital galega. "A familia agradece que se respecte a súa intimidade e non se acuda ao domicilio familiar", solicitou.
