Moitos establecementos pecharán durante a eclipse para que os traballadores o poidan ver

Na Coruña, a Agrupación Astronómica Ío propón que os establecementos que non esperan grande actividade durante a eclipse pechen ou adapten os horarios para que máis xente poida ver o fenómeno do vindeiro mércores,

A eclipse baixará a persiana de moitos establecementos. Poder ver o acontecemento astronómico máis importante da historia recente é prioridade en moitos negocios. Iso, e que prevén que, a maioría dos seus clientes potenciais, estarán tamén atentos e pendentes da eclipse. 

O mércores doce de agosto non será unha boa tarde para ir de compras. E haberá que anticipar os movementos e os plans porque, ademais de alteracións nos horarios dalgúns establecementos, hai tamén cambios no tráfico, cortes de espazos abertos e modificacións no ambiente importantes, as naturais que se produzan pola eclipse. 

O de pechado pola eclipse, de calquera xeito, non convence a todos e non é para todos os establecementos tampouco, claro. Bares, restaurantes, hoteis. Hai locais que ven no evento astronómico, precisamente, un momento de especial afluencia de xente e, en consecuencia, de aumentar a facturación.