Desprégase un amplo dispositivo policial por un home atrincheirado na súa casa de Redondela

Un amplo dispositivo formado por efectivos da Policía Nacional, a Policía Local de Redondela e servizos sanitarios permanece despregado este xoves na rúa Paseo do Pexegueiro, na parroquia de Cesantes, por mor dun home que se atrincheirou na súa vivenda.

Segundo informaron fontes policiais, o veciño conta con antecedentes penais e podía sufrir un brote psicótico, o que motivou a intervención dos corpos de seguridade e dos equipos de emerxencias.

Finalmente o home abandonou o domicilio de forma voluntaria e recibiu atención sanitaria.

O operativo permanece activo mentres se desenvolven os labores de mediación e non transcenderon máis detalles sobre a evolución da intervención.