Barricadas en Cádiz na sétima xornada da folga do metal

En Cádiz, volveron repetirse as barricadas e manifestacións na sétima xornada da folga do sector do metal.

Os piquetes cortaron o tráfico nos principais nodos industriais da provincia. E nun deses puntos faleceu un traballador, do porto de Alxeciras, ao chocar a súa moto contra un camión que estaba parado.

Houbo tamén unha manifestación pacífica polas rúas de Cádiz, con moitas mostras de apoio dos veciños aos manifestantes.

Esta tarde hai unha nova reunión entre os sindicatos e os empresarios para tentar buscar un acordo salarial que poña fin á folga indefinida. Os traballadores reclaman unha suba dos soldos acorde ao IPC.