Melide retrocedeu ao seu pasado durante tres días de mercado medieval
Decenas de postos con todo tipo de produtos encheron as rúas da zona vella
Tampouco faltaron os xogos e as atraccións para o público infantil
Na feira medieval de Melide investiron novos cabaleiros. As rúas da zona vella enchéronse de postos con todo tipo de produtos e tamén con atraccións para os máis pequenos.
"Moi boa calidade ten a feira e moita diversidade. Paréceme estupendo. -Domingo, ¿que che parece a feira? -Boa, divertida, ten xogos, comida, diversas cousas para comer".
No Melide medieval, artesáns e comerciantes estableceron os seus negocios neste lugar de paso dos peregrinos que se dirixían a Compostela. Estes comerciantes tamén fan o seu propio camiño de feira en feira
"Este debe ser a feira número quince ou dezaseis desde que empezamos no mes de xuño". "No verán facemos o que lle chaman a "ruta do Norte". O que facemos é percorrer Galicia, Pais Vasco, Cantabria e Asturias", din dous comerciantes que participan na feira.
A feira rematou con música e cun desfile dos artistas de rúa que animaron o mercado durante toda a fin de semana.
