Localizan dous dos cinco tripulantes do pesqueiro portugués envorcado na desembocadura do Miño
As tarefas de buscan están a desenvolverse en territorio portugués, preto da illa da Insua
O operativo de busca, que se puxo en marcha tras aparecer unha embarcación envorcada, continúa á procura de tres tipulantes que seguen desaparecidos
Portugal coordina o dispositivo coa colaboración de Galicia
A primeira hora da tarde deste domingo, activouse un operativo de busca na zona da desembocadura do Miño tras aparecer unha embarcación envorcada. As tarefas desenvolvéronse desde o primeiro momento en territorio portugués.
Posteriormente soubose que a embarcación envorcada era o pesqueiro portugués Vila de Caminha. De momento localizaron dous tripulantes, un portugués e outro indonesio e que o operativo continúa buscando outros tres mariñeiros, todos eles de orixe indonesia.
Desde o Centro Integrado de Atención ás Emerxencias trasladouse toda a información a Salvamento Marítimo, ao Servizo de Gardacostas de Galicia, Garda Civil, Bombeiros do Morrazo e Vigo e ao GES da Guarda.
O helicóptero de rescate Pesca I, de Gardacostas de Galicia, tamén colabora na busca.
O 112 Galicia tivo constancia pasadas as 13:30 horas, a través da Comandancia Naval do Miño, de que se localizara unha embarcación envorcada na desembocadura do río Miño, preto da Illa da Insua, que pertence a Portugal.
