Pintan sinais para alertar da velocidade na estrada de Galdo, en Viveiro

A veciñanza de Galdo sofre a diario unha estrada estreira, sen beirarrúas e con moita circulación. Hai quen contou sesenta coches nunha hora polo que a diario, son centos.

Levan tempo demandando redutores de velocidade ás administracións. Como ainda non o conseguiron pintaron sinais de 40 quilómetros por hora e carteis nos que recordan que alí ainda viven humanos. Para desprazarse, os veciños non teñen máis alternativa que a vía pública e teñen medo que os leve por diante un coche.

A estrada CP-6602 é da Deputación de Lugo que está valorando a adopción dalgunha medida.