Investigan un condutor por ir a 200 quilómetros por hora en tres provincias o mesmo día

Axentes da Garda Civil investigan un condutor por cometer, nun mesmo día, tres delitos contra a seguridade viaria por exceso de velocidade, xa que circulaba a máis de 200 quilómetros por hora, como captaron tres radares estáticos nas provincias de Xaén, Zamora e Lugo.

En Málaga investígano por un exceso de velocidade, despois de ser captado o vehículo que conducía polos radares o pasado 21 de febreiro. A primeira vez foi captado na autovía A-4 en Despeñaperros (Xaén) a 219 quilómetros por hora, cando estaba limitada a vía a unha velocidade de 100 km/h.

Posteriormente, foi detectado unha segunda vez na autovía A-6, en Benavente (Zamora), a 232 quilómetros por hora a pesar de estar limitada a 120, e unha terceira tamén na A-6, nas Nogais, en (Lugo), a 242 quilómetros por hora, cando o límite era igualmente 120.

Ao superar en máis de 80 quilómetros por hora a velocidade establecida en vías interurbanas, a Garda Civil instruíu dilixencias pola presunta comisión dun delito continuado contra a seguridade viaria previsto no artigo 379.1 do Código Penal.

Iso pode implicar penas de tres a seis meses, multa de seis a doce meses ou traballos en beneficio da comunidade de 31 a 90 días e a privación do permiso para conducir vehículos de motor e ciclomotores entre un e catro anos.