Medran os calotes a través do Bizum

"Aquí tivemos unha clienta que perdeu por ese tema 500 euros. Ela pensaba que llelos ían ingresar e realmente sacáronllelos da conta", comenta a dependenta dunha tenda.

Niso consiste o Bizum inverso, un calote que cada vez xera máis denuncias entre os que utilizan ese método de pago que resulta tan cómodo e sinxelo. Pero como funciona?

 "En vez de recibir un bizum realmente estancho solicitando. Ti das por feito que o estás recibindo pero realmente estás perdendo ti os cartos", continúa.

"E o que fan os ciberdelincuentes neste caso é enganar para que creas que debes aceptar o importe que che vai chegar a ti", apunta Alberto González Gómez, xefe do  Equipo@Coruña da Garda Civil.

Este calote dáse sobre todo cando compramos un produto por Internet. O estafador faise pasar por un comprador interesado, xera un clima de confianza e amosa certa urxencia por pechar o trato.

 "Basicamente aquí é o elemento clave do engano, é dicir, o ciberdelincuente busca ese engano a través do vouche enviar uns cartos que tes que aceptar, ou requírese que aceptes a mensaxe que che vai saír para poder recibir os cartos e é nesta urxencia, que soen caer en non ler os textos que veñen neses SMS ou nesas notificacións de Bizum", explica o garda civil.

"Nun momento de despiste, de présa ou calquera cousa calquera persoa pode ser vítima diso e paréceme un problema", recoñece a dependenta.

Un problema porque unha vez feita a transacción os cartos xa non se poden recuperar.

"Non hai volta atrás salvo que a persoa que o reciba queira devolvelo, e é evidente que si estamos falando que nos están enganando na compravenda dalgún produto, esa persoa non nos vai devolver eses cartos", conclúe o Garda Civil.

Recordamos que Bizum só nos vai pedir que aceptemos ou rexeitemos unha operación no caso de que alguén nos pida os cartos, nunca para envialos.