Marina Meridional promete catro portacolectores para Bangladesh a Barreras

Hai novidades relacionadas co proceso que determinará o futuro de estaleiro vigués de Barreras.

Marina Meridional promételle ao estaleiro vigués catro portacolectores para Bangladesh. O Ministerio de Transportes deste país asiático notificoulle a este grupo empresarial o comezo da licitación para contratar a construción e entrega desas catro embarcacións.

Segundo informou Marina Meridional, a construción destes barcos comezaría o antes posible e o prazo para completar a encarga ascendería a 48 meses.