A viguesa Industrias Ferri fabricará os guindastres de 6 novas patrulleiras dos EUA
A empresa traballa para armadas de 20 países e ten carga de traballo para os próximos cinco anos
Novo contrato para o naval galego no sector da defensa. O estaleiro vigués Industrias Ferri vai construir os guindastres que teran 6 novos rompexeos do servizo de Garda Costas dos Estados Unidos.
Unha industria finlandesa, Rauma Marine Constructions (RMC), vai contruir as patrulleiras, que potencian a presenza norteamericana no polo norte. Foi precisamente esa empresa a que lle fixo a encarga a Industrias Ferri dunha das principais pezas desas embarcacións: o guindastre.
O estaleiro vigués está especializado nese equipamento, un compoñente critico para operar en condicions extremas. As dúas primeiras unidades, que se fabricarán en Industrias Ferri, estarán rematadas en 2028.
"Neste caso estamos falando dun equipo que vai traballar a menos 40 graos de temperatura. Ten que estar sempre dispoñible, non só para mover cargas se non tamén persoas en equipos de salvamento", asegura José Luis Márquez, de Industrias Ferri.
Industrias Ferri ten xa un contrato semellante para armada do Canada. Traballa xa para armadas de 20 países de todo o mundo e ten traballo asegurado para os vindeiros 5 anos.
