Despois de temperaturas tropicais, volven o frío e a chuvia a Galicia

Ourense volve marcar a temperatura máxima de Galicia. O termómetro rexistrará de novo preto dos 20 graos nas horas centrais do día. Unha temperatura inusual para esta época do ano onde o normal sería amencer baixo cero.

A xente está aproveitando para pasear e facer compras porque o tempo anima. Pero esta situación cambiará en cuestión de horas. Mañá xa esperamos aquí un descenso térmico importante. Volve a chuvia e o frío.